|| ఓమ్ తత్ సత్ ||
శ్రీరాములవారిపై స్తోత్రాలు
రామ నామము
మంత్రాలలో రామ నామము ఒక మంత్రము. రామ నామమును తారక మంత్రము అంటారు. తారకము అంటే రక్షింపబడడానికి అనువైనది. తారక మంత్రము అంటే సంసారులను రక్షించె మంత్రము అని. మనము కృష్ణా అనుకోవచ్చు. శివ శివా అనుకోవచ్చు. కాని రామ నామముకే తారక నామము అన్నమాట ఎలా వచ్చింది అంటే కారణాలు మన సాంప్రదాయములో వున్నాయి.
శ్రీరాముడు విష్ణువు యొక్క అవతారపురుషుడు. విష్ణు సహస్రనామము చదివితే ముక్తి లభిస్తుంది అని వింటాము. కాని అన్ని నామములు చదవడము అందరికి సులభము కాకపోవచ్చు. అదే మాట శివాపార్వతుల సంభాషణలో పార్వతీ దేవి శివుడిని అడుగుతుంది. దానికి శివుడు
"సహస్ర నామ తత్తుల్యమ్ రామ నామ వరాననే" - అంటే ఈ సహస్రనామములతో సమానమైన తుల్యము కలది రామ నామము అని. రామనామము విష్ణువు యొక్క సహస్రనామముల తో తుల్యము అంటే సమానము అని. సహస్ర నామములు చేయలేనివారికి రామనామము తారక మంత్రము అన్నమాట.
రాముడు దయా స్వభావము కలవాడు.
సర్వభూత హితే రతః - సమస్త భూతముల హితము కోరువాడు అని.
రాముని దయాస్వభావము గుహుని కథలో , జటాయు కథలో, శబరి కథలో , విభీషణుని కథలో వింటాము.
రాముడు శరణాగత వత్సలుడు. దండకావనములో ఋషులరక్షణకి అభయము ఇచ్చిన శ్రీరాముడు, సీతమ్మకి ఇలా చెపుతాడు. "దండకావనములో వున్న ఋషులందరి రక్షణకి అభయము ఇచ్చినవాడను. ఓ సీతా నాప్రాణము , లక్ష్మణుని, నిన్ను త్యాగము చేసెదను కాని ఋషులకి ఇచ్చినమాటను తప్పను". అది రాములవారి అభయము.
రామ నామ జపములో భావము ,"ఓ రామ నువ్వే నా శరణాగతి" అని.
ఈ సంపుటలో రాముని మీదా కొన్ని స్తుతులు కొన్ని అందచేస్తున్నాము.
శ్రీరామ మంగళాశాసనము
శ్రీరామ రక్షా స్తోత్రము
శ్రీరామ పంచరత్నమాల
భద్రాచల శ్రీరామ స్తోత్రము
రామచంద్రకృపాళు భజమన..
ఇవన్ని నిస్సందేహముగా మానందము కోసము చేయబడినవే.
ఇవి మీకు కూడా ఆనందము కలిగిస్తాయి అని ఆశిస్తూ,
భవదీయులు
కాసరబాద వర్గము
(kasarabada.org)
||ఓమ్ తత్ సత్||
-
ఇంకో మాట !!
సాంఖ్య యోగములో - నిష్కామకర్మ
సాంఖ్య యోగములో చాలా విషయాలు ఉన్నాయి.
ఒకచోట కర్మయోగముగురించి చెప్పబోతూ ( 2:39; 2:40)
"బుద్ధ్యాయుక్తో యయా పార్థకర్మబంధం ప్రహాస్యసి.."
"అంటే ఏటువంటి బుద్ధితో కర్మ బంధము వదలగలవో అట్టి కర్మయోగము గురించి చెప్పెదను వినుము" అని కృష్ణుడు ప్రారంభిస్తాడు. సాంఖ్యయోగముగురించి చెప్పిన తరువాత.
ఆ కర్మబంధమును వదలగల కర్మ యోగము గురించి చెపుతూ మొదటి శ్లోకములోనే ముఖ్యమైన మాటలని చెపుతాడు.
"నేహాభి క్రమ నాశో అస్తి
ప్రత్యవాయో నవిద్యతే |
స్వల్పమపి అస్య ధర్మస్య
త్రాయతే మహతో భయాత్ ||" 2:40
"ఇహ అభిక్రమ నాశః న అస్తి" అంటే ఆకర్మ యోగములో ప్రాంభించినది విఫలమగుట లేదు
"ప్రత్యవాయో న విద్యతే" చేసిన కర్మ వలన దోషములు ఉండవు
"స్వల్పం అపి" అంటే కొంచెము చేసినా గాని గొప్పదైన భయమునుండి రక్షించును.
అంటే కృష్ణ భగవానుడు మొట్తమొదటిలోనే ఈ కర్మ యోగము యొక్క ప్రయోజనాలు చెప్పేశాడు అన్నమాట.
సంస్కృత భాషలో వాంగ్మయములో ఒక ఆనవాయితీ వుంది. ఏ కావ్యము ఏ గ్రంధము చూసినా మొదటి లోనే ఆ కావ్యము ఎందుకు ఎవరికోసము దాని ప్రయోజనాలు ఏమిటి అని విశదీకరించాలి.
ఆలాగే కృష్ణుడు కర్మయోగము గురించి విశదీకరించే ముందే దాని ప్రయోజనములు చెప్పాడు.
నిజానికి మనందరికీ ఇది ముఖ్యమైన మాట
కర్మ యోగము వలన లాభమేమిటి అన్న మాట రావచ్చు
ముందుగా కర్మ యోగమంటే ఎదో పిచ్చాపాటి కర్మ గురించి కాదు.
అది నిష్కామ కర్మ గురించి.
నిజంగా నిష్కామ కర్మ చేసినప్పుడు భయము అన్న మాట పోతుంది.
అదే ఏదో ఆశతో కూడిన పని చేసినప్పుడు అది జరుగుతుందా? జరగదా ? జరగకపొతే ఏమి చెయ్యాలి అన్న భావనలతో మనస్సు తికమక పడుతుంది.
అదే ఏదో చేయకూడని పని చేసామో అప్పుడు మనము పట్టుపడతామా అన్న భయము కూడా పడుతుంది.
కాని నిష్కామ కర్మ చేసినప్పుడు - స్వలపమపి - కొంచమే అయినా - భయము అన్నమాట మనకుండదు.
ఎందుకు అంటే మనము ఏమీ ఆశతో చేయలేదు కాబట్టి !
నిష్కామకర్మ ప్రాంభించితే దాని కి విఫలము అనే సందర్భము రాదు. చూసే వాళ్ళందరికీ కీ తెలుసు . మనము స్వార్థము కోసము చేయటల్లేదు అని. అప్పుడు నిస్వార్థముగా మనము ఎంతచేసినా అది మిగిలినవాళ్ళకి .. "ఇంతై అంతై ఇంతింతై బ్రహ్మాండముగా" కనిపిస్తుంది.
నిష్కామ కర్మ చేసినప్పుడు ఆ కర్మ మధ్యలో ఆగిపోయినా దోషములేదు.
ఇవన్నీ ముఖ్యమైన మాటలు.
ఇవన్నీ నిష్కామ కర్మ వలన కలిగే లాభాలు !
|| ఓమ్ తత్ సత్ ||
info@kasarabada.org
click here to Telugu Home page !!
